Mayor Domingo: Christmas Greetings!

Licab, Sinalanta ng Baha

Napakalaking pinsala ang inabot ng bayan ng Licab dahil sa nagdaang bagyong Pepeng na nanalasa sa Central at Northern Luzon nitong Oktubre 2009.


Napilitang magpawala ng tubig ang 5 malalaking dam sa Luzon na nagdulot naman ng malaking pagbaha sa mga karatig-probinsiya, kasama na ang Nueva Ecija. Isa sa pinakamalaking naapektuhan ay ang ating bayan ng Licab.


Makikita sa larawan sa ibaba ang kanto ng Don Dalmacio Esguerra (formerly Burgos St.) at ng daan papunta ng Villarosa/Tarlac:









Dahil sa malaki at biglaang pagbaha noong madaling araw ng Oktubre 9, napilitang magsilikas ang mga mamamayan at namalagi sa Municipal Gymnasium at sa ilan pang evacuation areas:

(Click Here More Pictures of the Flood in Licab)

Tinatayang 90% ng mga pananim at kabuhayan ng ating mga kababayan ang nasalanta ng bagyo at baha kaya naman umaapela ang ating Punongbayan, Willy Domingo, kasama ang ating Municipal Disaster Coordinating Council, sa bawat isa na magbigay nang anumang maitutulong para sa mabilis na rehabilitasyon ng bayan ng Licab.

Pangunahing kailangan ang makalikom ng pondo na pambili ng binhi ng mga gulay at mga halaman na madaling mamunga o madaling anihin upang magkaroon ng pagkakakitaan ang ating mga kababayan na nawalan o nasiraan ng mga palay at iba pang pananim noong kasagsagan ng bagyo at baha.

Tumatanggap din ng mga pagkain, damit, at kung anupaman ang ating maaaring itulong para sa ating mga kababayan. Maaaring makipag-ugnayan sa mga contact numbers na ating makikita sa sulat na mula kay Mayor Willy Domingo sa ibaba:

++++++++++

Isang apela sa mga kababayan sa buong mundo:

Sa loob ng limang dekada, muling naranasan ng mga taga-Licab ang malalim na pagbaha. Limang dam ang nagpakawala ng tubig sa kasagsagan ng Bagyong Pepeng, 500 metro kuwadrado ang pinakawalan sa bawat 1 segundo na naging sanhi ng mas malalim na baha sa bayang ito. Bagama’t sanay na sa ganitong pagbaha ang mga naninirahan dito. Hindi magiging madali ang pagbangon sapagkat ayon sa tala ng Pambayang Pananakahan ay umabot sa 90% ng Pananim (Agricultural Crops) ang lubhang nasalanata (Zero Production) o 17 Million ang halaga ng pagkalugi sa palay na pangunahing pananim ang idinulot ng bahang ito. Samantalang ang damage sa ibang ari-arian ay humigit-kumulang sa P 5 Million at tinatayang 3, 600 na kabahayan ang nalubog sa baha sa loob ng tatlong araw.

Upang mabawasan ang kagutuman, minarapat ng inyong lingkod na makipag-ugnayan sa NFA upang magsupply ng bigas sa ating bayan. Nang sa gayon ay makabili ang mga may pambili. Ngunit paano naman ang iba na umaasa lamang sa pagsasaka?

Ang calamity fund ng ating bayan ay 1 Milyon lamang at paubos na sapagkat marami na ang nagdaang kalamidad sa taong ito.

Sa kasalukuyan ay nagpupulong sa pangunguna ng inyong lingkod ang Municipal Disaster Coordinating Council upang bumuo ng mga hakbang para sa rehabilitation sa bayan ng Licab. Ang aking mungkahi ay ang pagtatanim ng mga gulay sa lahat ng bakuran upang may makain. Ang inyong lingkod ay ginagawa ang lahat ng makakaya upang matulungan ang ating mga kababayan.

Sa pagkakataong ito, sinuman pong nais magbahagi ng anumang tulong upang makaahong muli ang ating mga kababayan ay mangyaring makipag-ugnayan sa inyong lingkod o sa website na ito. Mayor Willy S. Domingo Contact Nos. 0917-811-5978, Admin Ariel J. Antonio (0063-927-443-8880), Sec. Raffy Borjal 0063-928-769-2350, Malou Calma (0063-921-507-9900).

Maraming Salamat at Pagpalain kayo ng Panginoon.


Para sa mga mamamayan ng Licab,



WILFREDO S. DOMINGO
Punong Bayan

++++++++++

also posted in: www.licab.net

Bangon, Licab!

Message From The Mayor

You may please view our Honorable Mayor's Message for all of us.

Please click on the link below:

MESSAGE FROM MAYOR WILLY S. DOMINGO

Handa Ka Ba Kay Kalakian?

Isa itong initiative na ito sa talagang maipagmamapuri natin kay Mayor Willy- ang pagkakaroon ng Kariton Festival sa ating bayan.


Inaasahang taun-taon ay gaganapin na nga itong Kariton Festival (na ayon sa balita ay one of a kind, at kauna-unahan pa sa Pilipinas). At tunay nga namang nakakatuwa dahil dito nabibigyan nang atensiyon ang alagang katuwang natin sa pagsasaka-ang Kalabaw.

Layunin nang Festival na ito na alalahanin din ang malaking kontribusyong ibinigay, partikular ng Kariton, sa istorya ng bayang Licab, kung saan, ayon sa kuwento, ay ginamit daw ni Don Dalmacio Esguerra ang Kariton sa kanilang pagpunta at pagka-diskubre sa bayan ng Licab. Hanggang sa ngayon, patuloy pa ring ginagamit ang Kariton bilang mode of transportation ng ating mga magsasaka.

(basahin ang kumpletong kwento tungkol sa Kariton Festival sa Licab.net)


Nakakatuwa, nakakaaliw pagmasdan ang mga Kalabaw at Kariton na sadyang binihisan upang ipagmalaki sa buong bayan.

Kailan lang ay nakabasa rin ako ng isang parada na katulad nito, ang Carabao Festival sa Pulilan, Bulacan.

Ang nakakagulat, may isang kalabaw na nag-amok, nanggulo sa kasayahan, at nanira nang kung anu-anong bagay.

Makikita sa larawan kung paanong nagkagulo ang mga mamamayan na nanonood sana sa parada:

(photo credits: Sidetrip)

Nai-dokumentaryo ni GMA News Documentarist Howie Severino ang buong pangyayari at nai-feature pa ang balitang ito sa 24 Oras. Maaaring mapanood ang video nito sa blog ni Howie. Gayundin, sa Mayhem in May, inilahad naman ni Howie ang iba pang pangyayari tungkol sa kasiyahang nauwi sa kaguluhan.

--------------------

Sana ay magsilbing paalala ang mga ganitong pangyayari sa Pulilan, lalo na sa Organizers ng Kariton Festival sa Licab.

Nag-uumpisa pa lang tayo sa ating programa, at kagaya ng nabanggit ko na, malamang ay maging taun-taon ang kasiyahang ganito sa ating bayan.

Pero magkaroon din tayo ng sistema upang maiwasan ang mga ganitong trahedya. Mainam na iyong handa tayo, kaysa sa magsisihan kung dumating ang problema.

Piktyur! Piktryur!

Our kababayan, Mr. Pet Ramos, would like to share photos about his homecoming in Licab on November 2008. He is currently based in the United States.

The photos constitute the Manggahan Resort (owned by Mayor Willy Domingo), the Licab Municipal Hall, a visit to the Catholic Church, etc.

We weren't able to grab the pictures, so we are sharing the link for all of us to see.

Click Here to view the Pictures.

Enjoy!

Onwards To A Fruitful Municipality

(an update on the previous blog post re: Licab being eyed as the Fruit Basket of Nueva Ecija)

--------------------
NE to launch ‘Fruit Basket’ project
Magtanggol C. Vilar
for CENTRAL LUZON DAILY


The 11 barangays of this 4th-class municipality are girding for the launching of the town’s ambitious project, “Fruit Basket of Nueva Ecija.”

The project launching has been set to coincide with the celebration of the town’s 115th Foundation Day on March 28, with a lecture and seminar on fruit tree production with mango and pomelo as the principal products for promotion and propagation in the 11 barangays here.

The project, said Mayor Willy Domingo, is intended to establish for this town a continuing fruit tree industry and permanent means of livelihood for the residents. The affair hopes to have Agriculture Secretary Arthur Yap as the main guest and speaker so he could gauge the needs, hopes, visions, and aspirations of a small town aiming to grow big and looked up to as a solution to the mounting food problems of the country.

The underlying principle behind it all, Domingo said, is that he wants to erase the image of this town as a former “killing fields” during its political heydays. “Those dark days are past. I want my town to be remembered for something productive, fruitful,” he added.

Another highlight of the affair is a lecture/seminar on the proper propagation and culture of seedlings of fruit trees as mango, pomelo, citrus such as calamansi and oranges, rambutan, durian to be undertaken by Dr. Bernardo O. Dizon, more popularly known as “Ka Bernie” to fruit tree fanciers. There will also be ilang-ilang trees to line up the road leading to the town.

Licab gained 4th-class category in the past year during the administration of Domingo, who said the secret for this achievement was simple implementation of the revenue collection efforts which all reverted to the town coffers. He added that the increased revenues were used in supporting the various livelihood projects of the town which consequently produced a domino-effect with the projects earning incomes beyond their expectation.

According to Domingo, the various livelihood projects he had lined up for implementation within his term of office until July 2010, and their visible effects on the economy have served to attract local investments and citizen participation.

The project, the first of its kind in the province, is also intended to serve as a tourism come-on and serve as an eco-tourism destination. With the income to be derived from the above projects, Domingo expects to raise the category of his town to “First Class” within the next three years, when the expected fruiting period of the plantings shall have been reached.

Already, Mayor Domingo’s various innovative approach towards agri-aqua ventures in the town are slowly expanding the town’s independence from the national government budget strings or support for their local agri-business ventures. Domingo has also arrived at a scheme by which the farmers here may reap their palay crop, deposit them to the municipal warehouse, receive an initial amount for his harvest until he is satisfied with a good price for his total harvest then liquidate his entire holdings.

“It takes a little time to make the people believe in the changes I am trying to put up for them, but they are learning, albeit slowly,” Domingo said. “By way of locally devised uncomplicated schemes of gaining credit and utilizing it for greater productivity, we could accumulate our own sufficient funding for local development and livelihood projects. Everybody happy,” Domingo rationalized.

--------------------

We do hope that significant changes shall finally come on our beloved town.

Banners! Banners!

Our beloved town, Licab, celebrated its 155th Foundation Anniversary last March 28 & 29, 2009.

It is such a delight to see many new things to commemorate this special event. Balikbayans never failed to notice the various colorful banners posted in every street light posts along Don Dalmacio Street.

Organizers moved away from using the usual "banderitas", but instead provided eye-cathing banners that showcase love for the town and some of the foundation day's activity highlights .

Certainly, we give a V positive approval for Mayor Willy Domingo and the rest of the people who continue to design better ways to make the ocassion worth celebrating.

Proud to be Licabeño!

(More of Licab's 115th Foundation Day Celebration highlights on my upcoming blog/s).

Pista Po Sa Amin

Licab Town Fiesta na sa March 29, 2009!

Ano pa'ng hinihintay mo? Tara na sa plaza!

Narito ang ilan sa mga activities na pwede mong pagkaabalahan kapag piyesta sa Licab:

• Manood ng laban ng liga ng basketball. Maka-Sur ka ba o maka-San Juan? Kahit ano'ng team ang sinusuportahan mo, paniguradong mapapahagalpak ka sa tawa lalo na kapag may tumira nang kapos o may nabutata.

• Sumakay sa Jr. Ferris Wheel kasama ang boyfriend/girlfriend at magyakap kapag nasa ituktok na. Pre, pagkakataon mo na!

• Kung sadyang takot sa Ferris Wheel, pwede rin namang patusin ang Lindy Loop, ang Catterpillar o ang Horror Train. Siguraduhin lang na laging may barya sa bulsa kapag bibili na ng ticket. Maduduga kasi ang mga nagtitinda dahil kapag buo ang ibinayad mo, kendi o bubblegum ang isusukli sa'yo.

• Pwede ring tumaya sa bingo, beto-beto, o sakla. Paganahin ang kahusayan sa pagsu-shoot ng bente singko sa mga maliliit na kwadrado at manalo ng chichiryang sandamakmak ang betsin.

• Kung gusto nang mga mas adventurous na laro, subukan kung magaling kang tu-marget ng lobo o pumutok ng baril para patamaan ang mga tau-tauhan sa istante. Siguraduhin lang na magaling ka talaga dahil maraming kadalagahang nagmula pa sa ablang at bantug na maliit ang nakapalibot at nanonood sa'yo.

• Manood ng sarsuwela (malay mo, nandoon pala ang Porkchop Duo, si Palito, ang Aegis Band at ang paborito mong Sex Bomb Dancers... Aaaaaw!)

• Panoorin kung paanong magtikwasan ang mga balakang ng mga contestants sa Ms. Gay Beauty Pageant!

• Kung may Ms. Gay at sarsuwela, hindi mawawala ang Barangay Night. Dito mo makikita ang mga pinagpipitaganang musa ng bawat barangay. At malamang, may sayawan pa pagkatapos.

• Pwede ka ring mag ikut-ikot sa plaza kasama ang mga kaibigan. Magdala ng sapat na pera pambili ng balot, adobong mani, dilis, popcorn, day old, at de-bote.

• Higit sa anupaman, lalo na sa mga kababayang sumadya lang umuwi para makidalo sa pistahan, sikaping maglaan ng sapat na panahon para sa ating mga pamilya at mga mahal sa buhay.

(photo credits: Roldan Hilario)

Happy Fiesta mula sa Licabblog!

++++++++++++++++++++

Mayor Willy, darating ba si Jose at si Wally?

A Town So Small

Kung hindi ako nagkakamali (at kung hindi pa nagbabago ang sukatan ng mga lupa sa Nueva Ecija), pangalawa sa pinakamaliit na bayan sa buong probinsiya ang Licab (Nampicuan ang pinakamaliit).

Pero nakatutuwang isipin, at minsa'y nakamamangha, kung bakit maraming sikat na pulitiko ang sumasadya sa bayang ito. Magtataka ka, A town so small matters big to national political figures, and so they visit our town.

Taun-taon, tuwing undas, nakikita ko si former Senator, and now, Manila Hotel President Joey Lina. Sa public cemetery kasi ng Licab nakahimlay ang tatay niyang si Jose "Pepe" Lina. Dahil dito, madalas din sa Licab si Albert Lina ng Fedex.



High School ako, kasasagsagan ng kampanyahan nang gulatin ni Mayoralty Candidate Teddy Ilagan ang Licab. Naidala niya kasi sa Licab ang noo'y Presidential candidate na si Alfredo "Fred" Lim (ngayo'y Mayor ng Maynila). At panigurado, mapa- Teddy Ilagan o mapa-Noli Co, lumabas nang bahay para umabot at kumamay kay Fred Lim.

Natalo si Fred Lim.

Natalo rin si Teddy Ilagan.

Anyway.........

Kung nagulat ang Licab kay Fred Lim, nagulantang naman ang mga mamamayan nang dalawin sila ni Presidente Erap Estrada. Who would not be charmed by Erap, lalo na kapag nakita mo kung paano niya hapawin ang gatas ng kalabaw sa kanyang pinggan?

Indeed, Erap is one man for the masses.

2001, nagbago ang ihip nang pulitika sa buong Pilipinas. Na-impeached si Erap, naluklok si GMA, and the rest is history, ika nga. Nagbago man ang Political landscape sa bansa dahil sa pagkakatanggal ng ilan at pagkakaluklok nang mga bagong lider, nagpatuloy pa rin ang takbo ng buhay sa Licab.

Natapos ang term ni Mayor Noli Co, kasabay nang pagtatapos ng 3-terms ni Edo Agustin bilang konsehal, at nailuklok sa pwesto si Mayor Willy Domingo.

Nitong 2008, binisita naman ni Mayor Jojo Binay ng Makati ang Licab, at balitang tuwang-tuwa pa nga si Mayor sa pagsakay sa karitelang hila-hila ng kalabaw. Alongside, nai-deklara bilang Sister-town ng Makati ang Licab. At kung anuman ang benepisyo nito para sa mga Licab ay hindi ko alam (may discount ba tayo sa mga sinehan sa Makati?). Basta ang alam ko, nakilala si Mayor Binay sa Licab at sa iba pang rural areas-balita kasing planong tumakbo ni Binay sa mas mataas na posisyon ngayong 2010 (Aaaah... kaya naman pala!).

Hindi ko nabalitaan ito, pero nakita ko lang sa website ni Senator Jinggoy Estrada na nagpunta pala sila ni Dra. Loi sa Licab para mag-conduct ng Medical-Dental Missions. Heto ang dalawa sa mga pictures na napagtiyagaan kong hanapin:

(si Konsehala Myrna Paez ba yung katabi ni Jinggoy? Tsaka si Nene ba 'yung isang nakatayo sa likod?)

(Kung hindi ako nagkakamali, sa Manggahan Resort kuha ang picture na ito. Far behind ay makikita si Mayor Willy. Identified ko rin si Kuya Ambet Liquiran, Konsehal Audi Sawit, Konsehala Myrna Paez at yung nakaupo sa harapan, si Kapitan Alex Ramos)

On with the topic: A Town So Small, bakit sila dumadalaw? Do they intend to help the town? Do they give assistance to small towns to make it progressive?

But if that is what they give, bakit nananatili tayong maliit? Bakit nananatili tayo sa rank na 5th class municipality?

Baka may kailangan tayong baguhin.
Baka may kailangan tayong gawin.

+++++++++++++++++++++++++++++

(Bakit nga kaya sa tinagal-tagal nang pananatili ng mga kano sa Pilipinas ay hindi naging progresibo ang bansa?)